बिहिबार, साउन १४ २०८३
बिहिबार, साउन १४ २०८३
काठमाडौं पुस, १७–
नायिका निशा अधिकारी आमा बन्ने भएकी छिन् । करिब ५ महिना पहिले मात्रै क्रिकेटर शरद भेस्वाकरसँग बैबाहिक बन्धनमा बाँधीएकी निशाले आफु आमा बन्न लागेको खुलासा गरेकी हुन् । अंग्रेजी नयाँ बर्षको अबसर पारेर नायिका अधिकारीले आफ्नो फेसबुक पेजमा दुईजिउको तस्विर सार्वजनिक गर्दै आफ्ना फ्यानहरुसँग खुशी साटेकी हुन् ।
गत जुन ३० मा वैवाहिक जीवनमा बाँधिएको यो जाडीको लामो समयसम्म प्रम सम्बन्ध चलेको थियो ।
नायिका निशा आफैले निर्माण गरेको चलचित्र ‘झ्यानाकुटी’ मंसिर १ बाट प्रदर्शनमा आएको थियो । अब आमा बन्ने भएपछि सायद निशा अधिकारी केही समय आफ्नो नियमित कामबाट विश्राम लिने लगभग निश्चित जस्तै छ । तर, उता निशाका खेलाडी पती शरद भने छिट्टै नै डिभिजन २ को तयारीमा लाग्दैछन् । केहि दिन अगाडी मात्र घरेलु प्रतियोगिता ‘ईपिएल’मा शरद कप्तानी रहेको ‘भैरहवा ग्ल्याडीएटर्स’ उपविजेता बनेको थियो ।
