कमल थापालेनै दिलनाथलाई मन्त्रीबाट बर्खास्त गर्न सिफरिस गरे

काठमाडौं पुस, १४–
सहरी विकासमन्त्री दिलनाथ गिरीलाई उनकै पार्टी राप्रपाले बर्खास्त गर्न सिफारिस गरेको छ । 
मन्त्री गिरीलाई बर्खास्त गर्न राप्रपा अध्यक्ष एवं उपप्रधानमन्त्री कमल थापा स्वयमले प्रधानमन्त्री कार्यालयमा पत्र बुझाएका हुन् । 

बिहीबारको मन्त्रिपरिषद् बैठकमा उपप्रधानमन्त्री थापा र मन्त्री गिरीबीच चर्काचर्की भएको थियो । थापाले बेठकमा गिरीको राजीनामा मागेका थिए । तर, उनले आफूले प्रधानमन्त्रीलाई राजीनामा दिने हो भनेका थिए ।
राप्रपाका एक नेताले जनाए अनुसारशुक्रबार नै पार्टीको बैठक राखेर अध्यक्ष  थापाले  गिरीलाई हटाउनेबारे छलफल गरेका हुन् ।
सम्वन्धित दलले सिफारिस गरेपछि प्रधानमन्त्रीले मन्त्रीलाई बर्खास्त गर्न सक्नेछन् ।