बिहिबार, साउन १४ २०८३
बिहिबार, साउन १४ २०८३
बुटवल पुस, १३–
एकातिर नेपालमा वाम गठवन्धनमा आवद्ध दलहरुको पार्टी एकताको चर्चा चलिरहेको छ भने अर्कोतिर मोहन वैद्य तथा नेत्रविक्रम चन्द विप्लव लगायतका नेताहरु पार्टी एकता गर्दै नयाँ जनवादी क्रान्तीको तयारीमा लाग्ने बताउन थालेका छन् । प्रदेश नं. ५ को प्रशिक्षण कार्यक्रममा बुटवल पुगेका नेकपा (क्रान्तिकारी माओवादी) का महासचिव मोहन वैद्य किरणले मुलुकमा प्रतिक्रान्तिको अध्याय शुरु भएकाले आफ्नो पार्टी नयाँ जनवादी क्रान्तिको तयारीमा जुटेको घोषणा गरेका हुन् ।
प्रशिक्षण कार्यक्रमलाई बुटवलमा उद्घाटन गर्दै नेता वैद्यले सच्चा क्रान्तिकारीलाई गोलवद्ध गरेर प्रतिक्रान्ति रोक्ने दाबी गरेका हुन् ।
नेत्रविक्रम चन्द विप्लव, ऋषि कट्टेल नेतृत्वको नेपाल कम्युनिस्ट पार्टी र मोहनविक्रम सिंह नेतृत्वको नेकपा मसालसँग पार्टी एकता गर्ने गरी छलफल भैरहेको नेता वैद्यको भनाई छ ।
मुलुकमा बनेका दुई वाम तथा लोकतान्त्रिक गठबन्धन जनताका लागि नभएर पश्चगामी संसदीय व्यवस्थालाई संरक्षण गर्न बनेको उन भनाई छ ।
वहुदलीय र वहुलवादलाई सिध्याएर कांग्रेस–एमाले र माओवादी केन्द्रले मुलुकमा पाँच दलीयवाद लाद्न खोजेको समेत उनको आरोप थियो ।
एमालेसँग माओवादी केन्द्रको एकता नभएर विलय हुन लागेको वैद्यको भनाई छ ।
