बिहिबार, साउन १४ २०८३
बिहिबार, साउन १४ २०८३
काठमाडौं मंसिर, २५–
नेकपा एमालेले अहिलेको सरकार कामचलाउ भएको भन्दै यो सरकारले गरेका सबै काम उल्ट्याउने चेतावनी दिएको छ । एमालेले अब बन्ने सरकारले कामचलाउ सरकारले गरेका कामलाई निरन्तरता नदिने भन्दै राजनीतिक नियुक्ति लगायतका कुनैपनि दीर्घकालीन निर्णय नलिन सरकारलाई कडा चेतावनी दिएको छ ।
सोमबार एमाले महासचिव ईश्वर पोखरेलद्वारा जारी गरिएको विज्ञप्तीमा कामचलाउ सरकारलाई कुनैपनि राजनीतिक नियुक्ति नगर्न चेतावनी दिईएको छ । “प्रदेश सभा र प्रतिनिधि सभा निर्वाचन सम्पन्न भएलगत्तै काम चलाउ हैसियतमा सीमित हुनपुगेको वर्तमान सरकारले विभिन्न निकायमा राजनीतिक नियुक्तिहरू गरेको÷गर्न लागेको विषयप्रति हाम्रो पार्टीको गम्भीर ध्यानाकर्षण भएको छ,” विज्ञप्तीमा भनिएको छ ।
एमालेले प्रदेश प्रमुख र त्यससँग सम्बन्धित विभिन्न निर्णयहरु गर्न लागेको सूचनाप्रति पनि आफ्नो ध्यानाकर्षण भएको जनाएको छ । यसैगरी गोरखापत्र संस्थान, दुग्ध विकास संस्थान, चलचित्र विकास बोर्ड र राष्ट्रिय आमसञ्चार प्रतिष्ठान लगायतमा नियुक्ति गरी मौका छोप्न खोज्नु सरकारको दुराशय र जनादेशविपरीत कदम भएको जनाएको छ ।
बाम गठबन्धनले देशमा बहुमत ल्याईसकेको अवस्थामा सरकारले गरेको राजनीतिक नियुक्तिको एमालेले विरोध जनाएको हो ।
