मतपेटिका जलाईएपछि रुकुमको काँडामा मतदान स्थगित, अब चुनाव २१ गते हुने

रुकुम मंसिर, १०–
रुकुमको काँडा मतदान केन्द्रमा रहेको मतदान केन्द्रमा मतपेटिका जलाईएको छ ।  नेत्रविक्रम चन्द नेतृत्वको नेकपाका कार्यकर्ताले काँडास्थित रन्न आधारभूत विद्यालय क मतदान केन्द्रमा  मतपेटिका जलाइदिएपछि मतदान कार्य स्थगित भएको हो । 

मतपेटिका जलाईए लगत्तै मतदान पुनः नियमित गर्न भन्दै बसेको सर्वदलीय बैठकले स्थगित मतदान आउदो  २१ गते मात्रै गर्ने निर्णय गरेको छ । नेकपाका कार्यकर्ताले क मतदान केन्द्रको एउटा मतपेटिका जलाइदिएका हुन्  ।

मतपेटिका जलाउने कार्यमा संलग्न ३ जना पक्राउ परेको बताईएको छ ।  मतपेटिका जलाएपछि त्यहाँ तनाव समेत  उत्पन्न भएको थियो ।