बिहिबार, साउन १४ २०८३
बिहिबार, साउन १४ २०८३
चितवन कात्तिक, २९–
माओवादी अध्यक्ष पुष्पकमल दाहाल प्रचण्डले चिनियाँ कम्पनीसँग गरेको बुढीगण्डकी जलविद्युत आयोजना सम्झौता खारेज गरेकोमा सरकारसँग असन्तुष्टि जनाएका छन् । उनले उक्त सम्झौता खारेज गरेर सरकारले गल्ती गरेको समेत बताएका छन् ।
उनले सरकारमा आफूहरु सहभागि हुदा हुदै सरकारले निर्णय भटा भट गर्ने गरेको प्रति उनले चर्को असन्तुष्टि समेत जनाए । सञ्चारकर्मीहरुसँग चितवनमा कुरा गर्दै अध्यक्ष प्रचण्डले हामी पनि सरकारमा रहदा रहदै सरकारले एकलौटि निर्णय गर्न नमिल्ने बताए ।
धेरै मेहनत गरेर बुढीगण्डकी आयोजनामा सम्झौता गरिएको र यो सफल हुँदा आर्थिक क्रान्ति नै हुने अवस्था रहेको भन्दै उनले भने, ‘एकलौटी ढंगले खारेज गरिएको छ । यो सरकार आर्थिक विकास र सम्बृद्धितिर होइन, निकै संकीर्ण राजनीतिक स्वार्थ र पूर्वाग्रहमा चलेको छ भन्ने प्रमाण हो ।’
प्रचण्ड सरकारको अन्तिम समयमा १२ सय मेघावाट क्षमताको बुढिगण्डकी जलविद्युत आयोजना निर्माण गर्न गेजुवा कम्पनीलाई दिने निर्णय गरेको थियो । यो आयोजनाले वन बेल्ट वन रोडमा राख्न समेत प्रस्ताव गरिएको छ । तर, देउवा सरकारले संसदीय समितिको निर्देशन भन्दै उक्त सम्झौता खारेज गरेको जनाएको छ ।
