बिहिबार, साउन १४ २०८३
बिहिबार, साउन १४ २०८३
खोटाङ कात्तिक, २७–
हलेसी–तुवाचुङ नगरपालिकाका नगर प्रमुख इबन राईको घर–जग्गा तथा सम्पत्ति नेपाल कम्यूनिष्ट पार्टी खोटाङले नियन्त्रणमा लिएको घोषणा गरेको छ ।
कम्युनिष्ट पार्टीले नगर प्रमुख राईलाई गुण्डा र पैसाको बलमा चुनाव जितेको आरोप समेत लगाएको छ । उसले शनिबार राती बिज्ञप्ति टाँसेर नगर प्रमुख राई देश लुट्न लागि दलाल संसदीय व्यवस्थाको मतियार बनेको आरोप लगाउदै उक्त कुरा घोषणा
गरेको हो । साबिकको मंगलटार–ं२ पर्ने हलेसी तुवाचुङ नगरपालिका–६ का नगरप्रमुख राईको नियन्त्रित घर, जग्गा, सम्पत्ति जनताले उपभोग गर्ने कुरा बिज्ञप्तिमा उल्लेख छ । नगर प्रमुख राईका अनुसार उनले बिहान उठ्दामात्रै आफ्नो घरको आँगनमा पार्टीको झन्डा गाडेको र घरको भित्तामा गोबरले विज्ञप्ति टाँसेको देखेका हुन् ।
हलेसी तुवाचुङ नगरपालिकाको पहिलो नगरसभाबाट आधा बजेट आफुहरुलाई बिनियोजन गर्न नेकपाले निरन्तर माग गर्दै आएको थियो । आसन्न निर्बाचन नगर प्रमुख राईलाई प्रचार–प्रसारमा नहिँड्न समेत सो पार्टीले चेतावनी दिँदै आएको थियो ।
