बिहिबार, साउन १४ २०८३
बिहिबार, साउन १४ २०८३
काठमाडौं कात्तिक, २३–
महानगरीय ट्राफिक महाशाखाले यातायात मजदुरको पहिचान झल्किने गरी सवारी चालक तथा सह–चालकलाई विशेष पोशाक तोक्ने तयारी गरेको जनाएको छ । उनीहरुलाई त्यस्तो खालको पोशाकले अनुशासित बन्न सहयोग पुग्ने महाखाले बिश्वास समेत लिएको छ । ट्राफिक प्रहरी महाशाखाले छलफलमा झण्डै ५० वटा यातायात समितिले युनिर्फम तोक्ने विषयमा सहमति जनाईसकेको जनाएको छ ।
पुनः एकपटक बृहत छलफल गर्ने र शो छलफलमा कस्तो किसिमको ड्रेस, कसरी लागू गर्ने भन्नेबारे निर्णय गरिने महाशाखाको भनाई छ । केहि समय यता सार्वजनिक सवारी साधनमा यात्रुहरु चालक तथा सहचालबाटै दुब्र्यवहारमा परेको गनासा आएपछि उनीहरुलाई आफ्नो पेशाप्रति उत्तरदायी बनाउन छुट्टै ड्रेस बनाउन थालेको ट्राफिक प्रहरीले जनाएको छ ।
उपत्याकामा झण्डै ३२ हजार सार्वजनि सवारी साधन छन् । निजी विद्यालयका बसका चालक तथा सहचालकलाई पनि छुट्टै पोशाक व्यवस्था गर्न महाशाखाले प्याबसन तथा एन प्याबसनलाई आग्रह गरेको छ । अन्तर्राष्ट्रिय रुपमा पनि सार्वजनिक सवारी चलाउनेले विशेष पोशाक लगाउने चलन छ ।
