बिहिबार, साउन १४ २०८३
बिहिबार, साउन १४ २०८३
काठमाडौं कात्तिक, १७–
जागिर छाडेर राजनीतिमा लागेकी कोमल ओलीलाई अहिले राजनीति निल्नु न ओकेल्नु भएको छ । सांसद हुदै मन्त्री बन्ने महत्वकांक्षा पालेर हिन्दुराष्ट्रको मुद्धा बोकेको राप्रपामा प्रवेश गरेकी ओली पटक पटक चोईटिरहने राप्रपाबाट आफ्नो उदय हुने सम्भावना नदेखेपछि केही महिना पहिले मात्र एमाले प्रवेश गरेकी हुन् ।
ठुलो आशा बोकेर एमालेमा प्रवेश गरेकी ओलीले महिना दिनमै एमालेलाई धार्ने हात लगाउन पुगेकी छन् । पार्टी प्रवेश गरेको महिना दिनमै सांसद र मन्त्री बन्ने धाको बेकेकी ओलीलाई त्यतिबेला बज्रपात पर्यो जतिबेला उनलाई पार्टी प्रवेश गराउदा बामदेव गौतम र शंकर पोखरेलले टिकट पक्का भनेको बचन पुरा गर्न सकेनन् ।
अपरिपक्कव चरित्र ओलीले तुरुन्त प्रदर्शन गरिहालिन एमाले भनेको धोकेबाजहरुको पार्टी रहेछ भनेर । उनले त्यति मात्र गरिनन् आफ्नै दलबिरुद्ध बागी उम्मेदवारी दर्ता समेत गर्न पुगिन् । जतिबेला ओली जागिर छाडेर राप्रपाको राजनीतिमा प्रवेश गर्दै थिईन उतिबेला दुईवटा राप्रपा मिल्ने छलफल भैरहेको थियो । तत्कालिन राप्रपा नेपालले धर्मको नाममा समानुपातिकबाट २५ स्थान जितेको थियो । कोमल ओलीलाई लाग्यो धर्मको आडमा राजनीति गर्ने राप्रपा नेपाल र राप्रपा मिल्यो भने यो ठुलो शक्ति बन्न पुग्छ र चाँडै शक्तिमा पुग्न सकिन्छ ।
त्यहि उदेश्य बोकेर ओली कमल थापा आफ्नो आदर्श नेता भएको भन्दै राप्रपामा प्रवेश गरिन् । उनले दुई पार्टी एकिकरण भए लगत्तै भएको महाधिबेशनमा सबैभन्दा धेरै मत प्राप्त गरेर केन्द्रीय सदस्य समेत पड्काईन् । कोमल ओलीको पृष्ठभूमि पनि पञ्चायत नै हो । त्यसैले सबैले सोंचे उनले आफू सुहाउदो दल छानिन् । तर, ओलीलाई त्यतिबेला चक्कर आउन थाल्यो जब, डा. प्रकाशचन्द्र लोहनीले पार्टी अलग भएको घोषणा गरे । त्यतिबेला ओलीले सोंचिसकेकी थिईन कि अब मन्त्री बन्ने सपना लगभग समाप्त भयो भनेर । अझै जव, पशुपतिले पनि राप्रपा फूटाईसकेपछि कोमल ओली पुरै भावविहल बन्न पुगिन् ।
उनले तत्कालै आफ्नो आदर्श नेता कमल थापाको अनुहारमा केपी ओलीको अनुहार देख्न थालिन् । अब कमल थापा, राप्रपा उनलाई कुरुप लाग्न थालिसकेको थियो ।
झनै स्थानीय तहमा राप्रपाको कमजोर उपस्थितिले ओलीलाई दल परिवर्तन गर्न बल पुर््यायो । बलेको आगो ताप्ने बानी परेकी ओलीले तत्काल शक्तिमा पुग्ने गतिलो भर्याङ एमालेलाई ठानिन् र टिकट पाउने मिठो आशामा गत महिना मात्र एमाले प्रवेश गरिन् ।
तर, बर्षौदेखि एमालेमा लागेकाले किन छोड्थे एक महिना पहिले पार्टीमा प्रवेश गरेकी ओलीलाई टिकट ? जब, ओली एमालेबाट पनि ठगिईन उनले एमालेलाई गाली गर्न सुरु गरिन् । बिहिबार उनले दाङमा एमालेकोबिरुद्ध बागी उम्मेदवारी समेत दर्ता गरेकी छन् । उनले ठोकुवा पनि गर्न थालेकी छन् कि निर्वाचन जित्छु भनेर । पटक पटक धोखा खादै आएकी ओलीले फेरि पनि निर्वाचन हारेर धोखा खाने निश्चित जस्तै छ । तावामा परेको माछो तातो भयो भनेर वकवक गर्दा भुङरोमा खसे जस्तै ओलीलाई पनि त्यस्तै हुने देखिन्छ ।
पत्रकारिता र कलाकारितामा रमाएकी र अब्बल बनेकी ओलीले राजनीति शक्ति पनि हत्याउन खोज्दा आज यस्तो भएको पक्का हो ।
