बिहिबार, साउन १४ २०८३
बिहिबार, साउन १४ २०८३
काठमाडौं भदौ, २६–
कांग्रेस नेता विमलेन्द्र निधिले एमाले नेता माधवकुमार नेपालको उत्तर कोरिया भ्रमण चिनियाँ राजदुतको सल्लाहमा भएको प्रष्ट पारेका छन् ।
सोमबार जनकपुरमा पत्रकार सम्मेलनमा बोल्दै पूर्व गृहमन्त्री समेत रहेका कांग्रेस नेता निधिले राष्ट्रसंघले नाकाबन्दी लगाएको उत्तर कोरिया गएको भन्दै नेपालको आलोचना गरे । उनले चीन र उत्तर कोरियाको साठगाँठ रहेको र चिनियाँ राजदूतकै सल्लाहमा पूर्वप्रधानमन्त्री नेपाल उत्तर कोरिया गएको दाबी समेत गरे ।
निधिले भने, ‘एमालेको राष्ट्रियता कताबाट सञ्चालित छ भन्ने यसबाटै प्रष्ट हुन्छ ।’
पत्रकार सम्मेलनमा नेता निधिले एमालेको चर्को आलोचना समेत गरे । उनले एमाले संघीयता र मधेस विरोधी पार्टी भएको भन्दै प्रदेश २ का जनताले उसलाई नपत्याउने जनाए ।
प्रदेश २ मा १०० सिट जित्ने कांग्रेसको लक्ष्य रहेको भन्दै नेता निधिले आफ्नो गृह जिल्ला समेत रहेको धनुषालाई कांग्रेसको किल्ला बनाउने उदघोष समेत गरे ।
