बिहिबार, साउन १४ २०८३
बिहिबार, साउन १४ २०८३
काठमाडौं साउन, ३२–
नेपाल चलचित्र संघले बाढी प्रभावित जनताका लागि राहत कोष स्थापना गरेको छ । संघका अध्यक्ष प्रदीप उदयका अनुसार
बुधबार चलचित्र संघले नगद १ लाख, क्यूएफएक्सले १ लाख, बीके फिल्मसले १० हजार गरि कूल २ लाख १० हजारको सुरुवाती राहत कोष स्थापना गरिएको हो । साँझसम्ममा संघका अन्य सदस्यहरुले व्यक्तिगत सहयोग गर्ने उनको भनाई छ ।
उनले भने, ‘बाढीबाट प्रभावित भएका जनताका लागि हाम्रो यो सानो सहयोग हो । बाढी पीडितको उद्धारमा जान नसकेपनि हाम्रो यो सहयोगले केहीको परिवारमा खुसी ल्याउन सकिन्छ । हाम्रो लक्ष्य १० लाख संकलन गरेर बाढी प्रभावितलाई वितरण गर्ने हो ।’ त्यसरी राहत कोषमा संकलन भएको रकम बाढी पीडितका लागि काम गर्दै आइरहेको संस्था एनएफसिसीलाई हस्तान्तरण गरिने उनले जनाए ।
बाढी प्रभावितहरुलाई चलचित्रसँग सम्बन्धित संघ–संस्था र चलचित्रकर्मीहरुले समेत व्यक्तिगत सहयोगको घोषणा गर्ने क्रम जारी छ । जस अनुसार स्वेता खड्का १ लाख, पूजा शर्मा १ लाख, दीपकराज गिरी १ लाख, दीपाश्री निरौला ५१ हजार, प्रियंका कार्कीले ५१ हजार सहयोग गर्ने घोषणा गरेका छन् । त्यस्तै, चलचित्र कलाकार संघले ६५ हजार, भद्रगोल टिमले ५१ हजार, निर्देशक द्वय निश्चल बस्नेत र आशिफ शाहले नगद ५०–५० हजार सहयोगको यसअघिनै घोषणा गरिसकेका छन् ।
