सर्वोच्चको फैसला दुर्भाग्यपूर्ण भएको एमालेको ठहर, फैसलाको जवाफ जनमतले दिने एमाले घोषणा

काठमाडौं साउन,१५–
 भरतपुर १९ मा पुनः मतदान गर्ने सर्वोच्चको फैसलालाई प्रमुख प्रतिपक्षी दल नेकपा एमालेले  दुभाग्यपूर्ण भनेको छ । उसले सर्वोच्चको फैसलाले नागरिक सर्वोच्चता र जनमतलाई अपमानित गरेको समेत ठहर गरेको छ । सर्वोच्चको फैसलापछि एमाले सचिव योगेश भट्टराईले भने, ‘आजको फैसला दुर्भाग्यपूर्ण छ । यसले राजनीतिको अपराधीकरण तथा अपराधको राजनीतिकरणलाई प्रश्रय दिएको छ । नागरिक सर्वोच्चता र जनमतलाई अपमानित गरेको छ ।’  उनले भरतपुरका जनताप्रति आफूहरुलाई भरोसा रहेको भन्दै त्यहाँका जनताले आफ्नो जनमतमार्फत नागरिकको सर्वोच्चता स्थापित गर्ने विश्वास समेत व्यक्त गरे ।  आइतबार सर्वोच्चले  भरतपुर १९ मा पुनः मतदान गर्ने निर्वाचन आयोगको निर्णयलाई सदर गरेको फैसला सुनाएको हो ।