आजबाट डा. गाविन्द केसीले ११ औं पटक अनसन सुरु गर्ने

काठमाडौं साउन, ९–
पटक पटक गरेर १० पटक अनसन बसिसकेका डाक्टर गोविन्द केसीले आजबाट फेरि ११ औं अनसन बस्ने भएका छन् ।   त्रिवि शिक्षण अस्पताल, महाराजगञ्जका वरिष्ठ हाडजोर्नी विशेषज्ञ समेत रहेका  डा.  केसीले  अपराहृन ४ बजे ११ औं अनसन सुरु गर्ने भएका हुन् । 
डा. केसीले  विगतका सम्झौता कार्यान्वयनमा सरकारले कुनै चासो नदेखाएको,  माग सुनुवाईका लागि अहिलेसम्म सरकारबाट कुनै पहल नभएको भन्दै अनसन बाहेक अर्को विकल्प नभएको बताएका छन् । असार ३१ गतेसम्मको माग  पुरा गर्न सरकारलाई  अल्टिमेटम दिएपनि  सरकारका प्रतिनिधिले सम्पर्क समेत नगरेका कारण अनसन सुरु गर्न लागेको डा. केसीको भनाई छ ।