राधी जलबिद्युतले सात करोड ६४ लाखको साधारण सेयर बिक्री गर्ने

कठमाडौ जेठ ३१
राधी जलबिद्युत कम्पनीले सात करोड ६४ लाख ५५ हजार रुपैयाँ बराबरको साधारण सेयर जारी गर्ने भएको छ । कम्पनीले सेयर निष्काशनको लागि अनुमती माग गर्दे नेपाल धितोपत्र बोर्ड समक्ष आवेदन दिएको छ । कम्पनीले यही जेठ २९ गते एक सय रुपैयाँ अंकित मुल्य कायम रहनेगरी सात लाख ६४ हजार पाँच सय ५० कित्ता साधारण सेयर निष्काशन गर्नको लागि अनुमती माग गरेको हो । 
यसअघि कम्पनीले आयोजना प्रभावित लमजुङ जिल्लाका स्थानीयवासीका लागि चार करोड १० लाख रुपैयाँ बराबरको साधारण सेयर जारी गरिसकेको छ । कम्पनीको सेयर निष्काशन तथा बिक्री प्रवन्धकमा भने नविल बैकिङ लिमिटेड रहेको छ । अघिकृत पुंजी एक अर्ब ५० करोड रुपैयाँ रहेको कम्पनीको हाल चुक्ता पुंजी ३० करोड ७५ लाख रुपैयाँ रहेको छ । सर्वसाधारणको लागि सेयर जारी गरेपश्चात भने कम्पनीको चुक्ता पुंजी ४१ करोड रुपैयाँ पुग्ने छ ।