बुधबार, साउन १३ २०८३
बुधबार, साउन १३ २०८३
काठमाडौं । बागमती प्रदेशसभाको बैठक अवरुद्ध भएको छ ।
कर्मचारी सरुवाको विषयलाई लिएर विपक्षी दल नेकपा एमालेले विरोध गरेपछि बैठक केही समयका लागि स्थगित भएको हो ।
बैठक सुरु भएलगत्तै एमालेले अवरोध गरेको थियो । सरकारले प्रस्तुत गरेको आगामी आर्थिक वर्ष २०७९/८० को नीति तथा कार्यक्रममाथि छलफल गर्न बसेको बैठक सुरु भएलगत्तै एमालेका सांसदले उठेर विरोध जनाए । त्यसपछि सभामुख सानुकुमार श्रेष्ठले एमालेका मुख्य सचेतक दीपक निरौलालाई आफ्ना भनाइ राख्न समय उपलब्ध गराए ।
मुख्य सचेतक निरौलाले पशुपन्छी तथा मत्स्य विकास केन्द्रका तीन कर्मचारीलाई वर्तमान सरकारले आफू अनुकूल नभएकाले सरुवा गरेको भन्दै विरोध जनाए।
उनले घटनाको सत्यतथ्य छानबिन गर्न सर्वपक्षीय छानबिन समिति गठनको प्रक्रिया अघि नबढाउञ्जेल संसद्मा अवरोध कायमै राख्ने बताएपछि सभामुख सानुकुमार श्रेष्ठले बैठक १० मिनेटका लागि स्थगन गरेका छन् ।
बैठक अझै चल्न सकेको छैन ।
