बुधबार, कार्तिक १८ २०८३
बुधबार, कार्तिक १८ २०८३
काठमाडौं महानगरपालिका–२९ घर भएका मनिष श्रेष्ठ र झापा बाह्रदशी गाउँपालिका–३ घर भएका ३५ वर्षीय प्रतिक रिजाललाई २५.५ ग्राम अवैध लागूऔषध खैरो हेरोइन र नगद ९० हजार रुपैयाँ सहित आइतबार दिउँसो प्रहरीले पक्राउ गरेको छ । लागूऔषध नियन्त्रण व्यूरो कोटेश्वरबाट खटिएको प्रहरीले मनिषको घरको कोठामा तलासी गर्दा उक्त खैरो हेरोइन र नगद सहित फेला पारी उनीहरुलाई पक्राउ गरेको हो । साथै उक्त घटनाको थप अनुसन्धान गर्ने क्रममा काठमाडौं महानगरपालिका–२३ घर भएका ३५ वर्षीय रमेश शाक्यले उक्त नगद रिजाललाई मनिषसँग लागूऔषध खैरो हेरोइन खरिद गर्नका लागि दिएको खुल्न आएपश्चात शाक्यलाई समेत काठमाडौं बुढानिलकण्ठ नगरपालिका–७ गल्फुटारस्थित सडकबाट पक्राउ गरेको छ । उनीहरु उपर लागूऔषध खैरो हेरोइन मुद्दामा म्याद थप गरी आवश्यक अनुसन्धान भइरहेको उक्त व्यूरोले जनाएको छ ।
झापाको मेचीनगर नगरपालिका–६ बाट १ ग्राम अवैध लागूऔषध ब्राउन सुगर जस्तो देखिने पदार्थ सहित ईलाम, ईलाम नगरपालिका–२ बस्ने २५ वर्षीय मन्दिप श्रेष्ठलाई सोमबार दिउँसो प्रहरीले पक्राउ गरेको छ । लागूऔषध नियन्त्रण ब्यूरो काँकडभिट्टाबाट खटिएको प्रहरीले जाँच गर्दा उक्त लागूऔषध सहित फेला पारी उनलाई पक्राउ गरेको हो ।
मोरङको सुन्दरहरैचा नगरपालिका–४ बलिया चोकबाट करिब २ ग्राम अवैध लागूऔषध ब्राउनसुगर सहित २ जनालाई सोमबार राति प्रहरीले पक्राउ गरेको छ । पक्राउ पर्नेहरुमा सुनसरी ईटहरी उपमहानरपालिका–५ बस्ने ४१ वर्षीय पदम बहादुर तामाङ र सोही ठाउँस्थित कलाबञ्जर बराहक्षेत्र गाउँपालिका–५ बस्ने ३३ वर्षीय राम कुमार चौधरी रहेका छन् । अस्थाई प्रहरी चौकी बलियाबाट खटिएको प्रहरीले उनीहरू सवार को.२७ प ६६९२ नम्बरको मोटरसाइकल जाँच गर्ने क्रममा उक्त लागूऔषध सहित फेला पारी पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको छ ।
