बुधबार, कार्तिक ११ २०८३
बुधबार, कार्तिक ११ २०८३
कमल कालाखेती, चितवन । बिगत १४ बर्षदेखि चितवन सक्रिय महिला प्रतिस्ठानले एच आई भी – एड्स र लैङ्गिक समानताको सवालमा काम गर्दै आइरहेको छ ।
र अझैसम्म पनि हाम्रो समाजमा पुरुषहरूको तुलनामा महिलाहरु पछाडि परेको र महिलाहरुको कतिपय स्वास्थ समस्याहरु आफैं भित्र लुकाएर राख्नुपरेको छ ।
यस अवस्थालाई मध्यानजर गरि चितवन सक्रिय महिला प्रतिस्ठानले कालिका नगरपालिका र माडि नगरपालिकामा महिलाहरुको यौन तथा प्रजनन स्वास्थको अवस्थालाई मध्येनजर राखी स्त्रीरोग विशेषज्ञद्वारा स्वास्थ कार्यक्रम आयोजना गरिएको यसै प्रतिस्ठानको अध्यक्ष दिक्षा रिमालले जानकारी दिए ।
अझै भोलिको दिनमा समाजलाई सेवा पुग्ने कार्यक्रमहरु गरिरहने र समाजमा भएको लैङ्गिक असमानतालाई पनि अबको दिनमा कम गर्दौ लैजाने योजना भएको समेत बताए ।
उक्त स्वास्थ शिबिर कार्यक्रममा महिलाहरुको एकदमै उसाहजनक सहभागीता रहेको थियो ,उक्त कार्यक्रम मा ब्लड पेसर, एचआईभी, भि आइ ए, एस टि आई लगायत महिलामा हुने अन्य परिक्षण पनि गरिएको थियो ।
भि आई ए परिक्षणबाट महिलाहरुको पाठेघरमा क्यान्सर छ कि छैन भनेरको पहिला नै थाहा हुने हुँदा समयमै पत्ता लाग्ने र उपचार गर्न थप सहज हुने भएकाले परिक्षण गराएको मध्ये कालिका नगरपालिकामा एघार र माडि नगरपालिकामा ५ जानाको उक्त परिक्षण पोजिटिभ देखिएको थियो ।
उक्त निशुल्क स्वास्थ शिबिर एकदमै उपलब्धि मुलक रहेको थियो । अहिले कोरोनाको समय घरदेखि अस्पतालसम्म गएर स्वास्थ जाँच गर्ने अवस्था नभएकोमा आफनै गाउँमा स्वास्थ सुबिधा लिन पाउँदा स्थानिय बासिन्दा एकदमै खुशी देखिए ।
उक्त स्वास्थ शिबिरमा औषधिसमेत निःशुल्क वितरण गरिएको थियो ।
