बुधबार, साउन १३ २०८३
बुधबार, साउन १३ २०८३
नेपाल प्रहरीले हुम्लामा एक सय दश कार्टुन अबैध चिनियाँ मदिरा बरामद गरी नष्ट गरेको छ । खार्पुनाथ गाउँपालिकामा रहेको खार्पु प्रहरीले एक सय दश कार्टुन अबैध चिनियाँ मदिरा गाउँ भित्र्याउने क्रममा छिप्रा पुलबाट बरामद गरेको हो ।
आज बिहान ३ बजेको समयमा गाउँ भित्र्याउने क्रममा मदिरा बरामद गरिएको जिल्ला प्रहरी कार्यलय हुम्लाका प्रहरी नायव उपरीक्षक सुर्यप्रकाश सुवेदीले जानकारी दिए । आज बरामद भएकाे मदिरा अहिले सम्मकै ठूलो परिणामको भएकाे प्रहरी नायव उपरीक्षक सुवेदीले बताए ।
बरामद भएकाे अबैध चिनियाँ मदिरा ‘झनिगिन्टी’ जनप्रतिनिधिको रोहबरमा नष्ट गरिएको जिल्ला प्रहरी कार्यलय हुम्लाले जानकारी दिएकाे छ । अबैध मदिरा भित्र्याउने व्यापारीलाई भने प्रहरीले सार्वजनिक गरेको छैन ।
बरामद गरिएको चिनियाँ मदिराको नेपाली मूल्य करिब १० लाख ४० हजार पर्ने प्रहरीले जनाएको छ । गाउँमा मात्रै नभई अबैध चिनियाँ मदिरा सदरमुकाम सिमकोटमा पनि भित्रिएको श्रोतले जनाएको छ । यस सम्बन्धमा प्रहरीले आवश्यक अनुसन्धान जारी राखिएको जनाएको छ । आजको नयाँ पत्रिका दैनिकबाट
