बिहिबार, साउन १४ २०८३
बिहिबार, साउन १४ २०८३
कैलाली । कैलाली प्रहरीले चार थान पेस्तोल र सुनका गहनासहित धनगढीबाट तीन जनालाई पक्राउ गरेको छ।
कैलाली प्रहरी र केन्द्रीय अनुसन्धान ब्युरोको टोलीले धनगढी उपमहानगरपालिका वडा नम्बर ३ चटकपुरबाट चार थान पेस्तोल र सुनका गहनासहित तीन जनालाई पक्राउ गरेको जिल्ला प्रहरी कार्यालय कैलालीका एसपी सुदीप गिरीले जानकारी दिए।
पक्राउ पर्नेमा धनगढी उपमहानगरपालिका वडा नम्बर ६ मटियारीका सञ्जय राणा भनिने सञ्जय राना, कमल बिक र वडा नम्बर ३ का रुद्रप्रसाद अधिकारी रहेका छन्।
उनीहरूका साथबाट चार थान पेस्तोल, सुनका गहना, तमसुक र राष्ट्र बैंकका नक्कली कागजातसमेत बरामद गरिएको बताइएको छ।
सिआइबीको टोलीले थप अनुसन्धान गरिरहेकाले जिल्ला प्रहरी कार्यालय कैलालीका एसपी सुदीप गिरीले घटनाबारे अन्य जानकारी दिन नमिल्ने बताए।
