बिहिबार, साउन १४ २०८३
बिहिबार, साउन १४ २०८३
काठमाडौं भदौ, १०–
गुल्मी जिल्लाको चन्द्रकोट गाउँपालिका, शान्तिपुरमा नेपाल बैक लिमिटेड शान्तिपुर शाखा पुनस्र्थापना गरिएको छ । उक्त शाखाको नेपाल बैंक लिमिटेड संचालक समितिका अध्यक्ष वासुदेव अधिकारी र चन्द्रकोट गाउँपालिकाका अध्यक्ष द्रोण बहादुर खत्रीले एक समारोहका बीच संयुक्त रुपमा समुद्घाटन गरे ।
सो अवसरमा बैंक संचालक समितीका अध्यक्ष वासुदेव अधिकारीले नेपाल बैंक लिमिटेडको समग्र अबस्थाबारे प्रकाश पार्दै नेपाल बैंक नविनतम प्रविधिहरुको अधिकतम उपयोग गर्दै ग्राहकमुखी बैकिंग अभ्याससहित अघि बढिरहेको वताए ।
चन्द्रकोट गाउँपालिकाका अध्यक्ष द्रोण बहादुर खत्रीले आफनो गाउँपालिकामा बैक पुनस्थपित भएकोमा प्रशन्नता व्यक्त गर्दै यसबाट गाउपालिकाको आर्थिक गतिविधिमा तिव्रता आउने वताउनुभयो । यसैगरी नेपाल बैंकको प्रादेशिक कार्यालय प्रदेश नं.५का प्रमुख पाशाङ दोर्जि शेर्पाले केही समयमै गुल्मीको तम्घास , अर्र्घाखाचिको सन्धिखर्क लगायतका स्थानमा शाखा तथा गुल्मीको रिडीमा एक्सटेन्सन काउन्टर र शान्तिपुर शाखामा छिटै ए. टि.एम.सेवा संचालनमा ल्याउन लागिएको जानकारी दिए ।
नेपाल बैक लिमिटेड शान्तिपुर शाखाका शाखा प्रवन्धक सुर्य राज गौतमको सभापतित्वमा सम्पन्न उक्त कार्यक्रममा बैकका तर्फबाट विन्दु कुवर घिमिरेले स्वागत मन्तव्य दिएका थिए । उक्त कार्यक्रममा ने.वै.लि.प्रादेशिक कार्यालय प्रदेश नं.५ का सहायक प्रवन्धक रविन पौडेल, चन्द्रकोट गाउँपालिकाका उपाध्यक्ष राधिका अर्याल ,दिनेश नेपाल लगायतका वक्ताले बैक सेवाका विविध पक्षमा प्रकाश पारेका थिऐ ।
गुल्मी जिल्ला समन्वय समितीका सदस्यहरु,चन्द्रकोट तथा वरेङ गाउँपालिकाका पदाधिकारीहरु र स्थानीय जनसाधारणको भव्य उपस्थितिमा सम्पन्न उक्त कार्यक्रममा स्थानीय अधिकांश वक्ताहरुले स्थानीय जनताको लामो प्रयत्न पश्चात शाखा पुनस्थापना भएकोमा प्रशन्नता व्यक्त गर्दै बैकबाट ग्राहकमुखी सेवाको अपेक्षा प्रकट गरेका थिए ।
स्मरण रहोस् उक्त शाखा सशस्त्र द्वन्द्वकालमा कमजोर शान्ती सुरक्षाका कारण अन्यत्र गाभिएको थियो । नेपाल बैक लिमिटेडले देशका सातै प्रदेशका ६१ जिल्लामा १६३ शाखा २२ एक्सटेन्सन काउन्टर ८६ एटिएम सेवाविन्दु मार्फत १५ लाख बढी ग्राहकलाई प्रत्यक्ष बैंकिग सेवा पुरयाईरहेको छ ।
