बिहिबार, साउन १४ २०८३
बिहिबार, साउन १४ २०८३
काठमाडौं साउन, १–
आरएमडीसी लघुवित्त वित्तीय संस्थाले काठमाडौं जिल्ला, रबिभवन स्थित श्री बृद्वावस्था व्यवस्थापन तथा सामाजिक कल्याण (आमाघर) लाई संस्थागत सामाजिक उत्तरदायित्व अन्तर्गत नगद तथा खाद्य सामाग्री सहयोग प्रदान गरेको छ । बि.स. २०५६ सालमा दिलशोभा श्रेष्ठले रविभवन स्थित आफ्नै घरमा स्थापना गर्नु भएको आमाघरले परिवार नभएका तथा परिवारबाट परित्याग गरिएका बृद्वा आमाहरु तथा अनाथ बालबालिकालाई आश्रय दिएको छ ।
आरएमडीसीका प्रमुख कार्यकारी अधिकृत ज्योति चन्द्र ओझाले सो आमाघर अध्यक्ष दिलशोभा श्रेष्ठलाई रबिभवन स्थित आमाघरमै पुगी खाद्य सामाग्री (चामल, दाल, चिउरा, तेल ) र खाना पकाउने ग्याँसका साथै आमाघरको नाममा ५० हजार रुपैयाँ सहयोग गरेका हुुन । सो हस्तान्तरण कार्यक्रममा आरएमडीसी का नायव प्रमुख कार्यकारी अधिकृत राम दयाल राजबंशी, वरिष्ठ प्रवन्धकद्वय पृथ बहादुर थापा, अन्नपूर्ण श्रेष्ठ, प्रवन्धक ज्ञानु माया भण्डारी र अन्य कर्मचारीहरुको साथै सो आमाघरका संचालक सदस्य तथा बृद्वा आमाहरुको उपस्थिति रहेको थियो । सो अवसरमा आमाघरकी अध्यक्ष श्रेष्ठले यस प्रकारको सहयोगले आमाघरलाई ठूलो मद्दत तथा हौसला मिलेकोमा खुसी व्यक्त गर्दै आरएमडीसीलाई धन्यवाद दिएकी थिईन् ।
नेपालका लघुवित्त वित्तीय संस्था तथा सहकारी संस्थाहरुलाई थोक कर्जाको साथै संस्थागत क्षमता विकासको लागि प्राविधिक सहयोग उपलब्ध गराउने राष्ट्रिय स्तरको लघुवित्त संस्था हो । यस संस्थाले पिछडिएका वर्गका महिलाहरुलाई केन्द्रित गरी लघुवित्त क्षेत्रको प्रवद्र्धन तथा विकासका लागि संस्थागत आधारशिला निर्माण तथा जनशक्ति विकासमा विशेष भूमिका निर्वाह गर्दै आईरहेकोे छ ।
