शुक्रबार, कार्तिक १३ २०८३
शुक्रबार, कार्तिक १३ २०८३
मंगलबार, जेष्ठ २७ २०८२
काठमाडौं । वेस्ट इन्डिजका विस्फोटक ब्याटर निकोलस पूरनले २९ वर्षको उमेरमै अन्तर्राष्ट्रिय क्रिकेटबाट सन्यासको घोषणा गरेका छन् । अब उनले विभिन्न फ्रेन्चाइज लिगहरू मात्र खेल्नेछन् ।
विश्व क्रिकेटमा आक्रमण ब्याटिरका रुपमा परिचित पूरनले वेस्ट इन्डिजका लागि ६१ ओडिआई र १०६ टी–२०आई खेल खेलेका छन् ।
उनले ओडिआईमा ६१ खेलमा ३ शतक र ११ अर्धशतकसहित १९८३ रन बनाएका छन्। त्यस्तै टी–२०आईमा १०६ खेलमा १३ अर्धशतकसहित २२७५ रन बनाएका हुन् ।
क्रिकेट वेस्ट इन्डिजले पूरनप्रति सम्मान व्यक्त गर्दै भनेको छ, ‘हामी उनका उपलब्धिहरूलाई सम्मान गर्छौं र उनले दर्शकहरूलाई दिएका रमाइला क्षणहरूका लागि धन्यवाद दिन्छौं। भविष्यका लागि शुभकामना।’
पूरनले वेस्ट इन्डिजका लागि अन्तिम टी२० खेल सन् २०२४ डिसेम्बरमा बंगलादेशविरुद्ध खेलेका थिए ।
