देशलाई कम्युनिष्टकरण गर्ने दाँउमा ओली सरकार

काठमाडौं वैशाख, २२–
कांग्रेस वरिष्ठ नेता रामचन्द्र पौडेलले वर्तमान ओली सरकार देशलाई कम्युनिष्टकरण गर्ने अभियानमा लागिपरेको आरोप लगाएका छन् । आइतबार पार्टी कार्यालय सानेपामा दिवंगत नेता रामकृष्ण ताम्राकारको १३ औं स्मृति दिवसका अवसरमा आयोजित कार्यक्रममा बोल्दै नेता पौडेलले सो कुरा बताएका हुन् । 
पार्टी भित्रको प्रसंगमा बोल्दै नेता पौडेलले  पार्टीलाई आन्तरिक रुपमा सबल बनाउन समयमा नै पार्टीको १४ औं महाधिवेशन गराउनुपर्नेमा जोड दिए ।  उनले काँग्रेसको सुनौलो भविष्यका लागि पनि पार्टीको महाधिवेशन र भ्रातृ तथा शुभेच्छुक संगठनहरुको अधिवेशनहरु गराएर नयाँ नेतृत्व चयन गर्नुपर्नेमा जोड दिए। वरिष्ठ नेता पौडेलले लोकतन्त्रको रक्षा र मुलुककै रक्षाका लागि पनि नेपाली काँग्रेसको पार्टी जीवनमा नयाँ जागरण अभियान संचालन गर्नुको विकल्प नरहेको उल्लेख गरे।