बिहिबार, साउन १४ २०८३
बिहिबार, साउन १४ २०८३
पोखरा वैशाख, १२–
पोखरामा बसेर मुक्तक लेखनमा क्रियाशील नेपालहरि रानाभाट ‘सुवोध’को पहिलो कृति ‘समयका स्वरहरू’ बजारमा आएको छ । संग्रहमा ८० वटा मुक्तक छन् । मुक्तक मार्फत् सामाजिक विकृति विरुद्ध जेहाद छाडेका छन् रानाभाटले ।
उनले आफ्ना मुक्तकलाई राजनीति, नैतिकता, प्रेम सम्बन्ध, समय परिस्थिति, सामाजिक, धन सम्पत्ति, आत्म ज्ञान र जिन्दगी शीर्षकमा बाँडेर पुस्तकमा राखेका छन् । साथमा उमेशचन्द्र अधिकारीका चित्र छन् ।
रानाभाटका मुक्तकले पाठकको मन जित्ने नेपाल मुक्तक प्रतिष्ठान, काठमाडौंका अध्यक्ष रामकाजी कोने वताउँछन् । बरिष्ठ गीतकार यादव खरेलले समयका स्वरहरूको हालै काठमाडौंमा विमोचन गरेका थिए । पुस्तक प्रकाशन मुक्तक प्रतिष्ठानले गरेको हो । यसको मूल्य २५० रुपैयाँ छ ।
