बिहिबार, साउन १४ २०८३
बिहिबार, साउन १४ २०८३
सिरहा चैत, २६–
सिरहामा ट्रकको ठक्करबाट तीनजनाको ज्यान गएको छ । लहान नगरपालिका १३ भोटियाटोल चौक नजिक पूर्व पश्चिम राजमार्गमा पुर्वबाट पश्चिमतर्फ बिस्कुट बोकी जादै गरेको ना ३ ख ७७७४ नम्बरको ट्रकले मोटरसाईकललाई ठक्कर दिँदा मोटरसाइकलमा सवार तीनजनाको ज्यान गएको हो ।
लहान प्रहरीका अनुसार स ९ प ७३७८ नम्बरको मोटरसाइकलमा सवार उनीहरुको घटनास्थलमै ज्यान गएको हो ।
ज्यान गुमाउनेमा लहान नगरपालिका ४ बस्ने वर्ष २६ का कृष्णा सहनी, वर्ष २६ का शिव कुमार सहनी र वर्ष २५ का मनोज मण्डल छन् ।
शवलाई पोष्टमार्टम लागि लहान स्थित रामकुमार उमाप्रसाद स्मारक अस्पतालमा राखिएको छ ।
ठक्कर दिने ट्रक र चालकलाई प्रहरीले नियन्त्रणमा लिइ अनुसन्धान गरिरहेको प्रहरीले जनाएको छ ।
