बिहिबार, साउन १४ २०८३
बिहिबार, साउन १४ २०८३
काठमाडौं माघ, १८–
हृदयाघात भएपछि अस्पताल भर्ना भएका पूर्वयुवराज पारस शाहको स्वास्थ्यमा उल्लेख्य सुधार आएको छ । गम्भीर प्रकारको हृदयाघात भएपछि आइतबार दिउँसो नर्भिक अस्पतालमा भर्ना भएका शाह आज अस्पतालबाट डिस्चार्ज हुँदैछन् ।
उनको मुटुको कोरोनरी एञ्जियोप्लास्टी गरिनुका साथै स्टेन्ट राखिएको छ । हाल पारसको स्वास्थ्यमा उल्लेख्य सुधार आएको छ । उनी सामान्य हिड्डुल गर्न सक्ने तथा बोलीचाली गर्न सक्ने अवस्थामा छन् । उनलाई सिसियुबाट अस्पतालको निजी क्याविनमा राखिएको छ । अस्पतालले अहिलेसम्मको रिपोर्ट हेर्दा उनी मेडिकल्ली फिट भएकै कारण डिस्चार्ज गर्न लागिएको जनाएको छ । अब उनले नियमित औषधी सेवन गर्नुका साथै जीवनशैलीमा उल्लेख्य सुधार गर्न जरुरी रहेको अस्पतालको भनाइ छ ।
खानपान तथा जीवनशैलीमा सुधार गर्नुका साथै नियमित औषधि सेवन गरे उनको स्वास्थ्यमा थप सुधार आउने चिकित्सकहरुको भनाइ छ । पारसलाई यही हप्ता अस्पतालले फलोअपमा बोलाएको छ ।
अहिले पारसलाई तेश्रो पटक हृदयाघात भएको हो । पारसलाई २०६३ सालमा मा पहिलोपटक हृदयाघात भएको थियो । त्यसपछि ०७२ सालमा दोश्रो पटक र गत आइतबार तेश्रो पटक हृदयाघात भएको हो ।
