बिहिबार, साउन १४ २०८३
बिहिबार, साउन १४ २०८३
काठमाडौं माघ, १७–
आज राष्ट्रियसभाबाट राष्ट्रिय चिकित्सा शिक्षा विधेयक, २०७५ पारित गर्ने कार्यक्रम रहेको छ । बिहिबार दिउँसो २ बजे बोलाइएको बैठकमा शिक्षा, विज्ञान तथा प्रविधि मन्त्री गिरिराजमणि पोखरेलले विधेयक पारित होस् भन्ने प्रस्ताव पारित गर्ने कार्यसूची रहेको छ ।
गत सोमबार प्रमुख प्रतिपक्षी नेपाली कांग्रेसको विरोधकाबीच प्रतिनिधिसभाबाट पारित भएको विधेयक राष्ट्रियसभामा प्रस्तुत भएको थियो ।
डा. गोविन्द केसी सम्झौता विपरीत विधेयक ल्याइएको विरोधमा गएको पुस २५ देखि आमरण अनसनमा छन् ।
राष्ट्रियसभामा बैठकमा महिला, बालबालिका तथा जेष्ठ नगारिक मन्त्री थममाया थापाले जेष्ठ नागरिक सम्बन्धी (पहिलो संशोधन) विधेयकमाथि विचार गरियोस् भन्ने प्रस्ताव राख्ने कार्यसूची छ ।
यस्तै, अर्थमन्त्री डा. युवराज खतिवडाले निवृत्तभरण कोष विधेयक, भुक्तानी तथा फर्छ्यौट विधेयक र नागरिक लगानी कोष (दोस्रो संशोधन) विधेयकमाथि विचार गरियोस् भन्ने प्रस्ताव प्रस्तुत गर्ने छन् ।
सञ्चार तथा प्रविधि मन्त्री गोकुल बाँस्कोटाले विज्ञापन (नियमन गर्ने) विधेयकमाथि विचार गरियोस् भन्ने प्रस्ताव र वन तथा वातावरण मन्त्री शक्तिबहादुर बस्नेतले संकटापन्न वन्यजन्तु तथा वनस्पतिको अन्तराष्ट्रिय व्यापार नियन्त्रण (पहिलो संशोधन) विधेयकबारेको संशोधनबारे विचार गरियोस् भन्ने प्रस्ताव गर्ने कार्यसूची रहेको छ ।
