कांग्रेस सभापतिहरुको उदघोषः ‘निर्मलाको हत्यारालाई कानूनी दायरामा नल्याए आन्दोलनको आँधिवेहेरी ल्याउछौं’

काठमाडौं मंसिर, १३–
बिहिबारदेखि नुवाकोटको ककनीमा चलिरहेको नेपाली कांग्रेसका जिल्ला सभापतिहरुको भेला आज सकिदैँछ । उक्त भेलाले अन्य राजनीतिक निर्णयसँगै  बलात्कारपछि हत्या गरिएकी निर्मला पन्तको हत्यारा पत्ता लगाउन आन्दोलनको आँधेवेहीरी ल्याउने समेत निर्णय गरेको छ । उक्त भेलामा अहिलेसम्म पनि सरकारले हत्यारा  पत्ता नलगाएर  बेइज्जत गरेको निष्कर्ष समेत निकालेको छ । सभापतिहरुको भेलाले निर्मलाको  हत्यारा पत्ता लगाएर कारबाहीको दायरमा दायरामा ल्याउन सरकारलाई लिखित अल्टिमेटम दिने निर्णय समेत गरेको छ । हत्यारालाई कानूनी कारबाहीको दायरामा नल्याए देशैभर आन्दोलनको आधिबेहेरी ल्याउने कांग्रेस जिल्ला सभापतिहरुले उदघोष् समेत गरेका छन् ।  कांग्रेस सोलुका सभापति बिनोद बस्नेतका अनुसार भेलामा वर्तमान सरकारका कामकारबाहीका बारेमा समेत व्यापक छलफल भएको थियो । 
त्यस्तै,  भेलाले हेटौंडामा सम्पन्न जिल्ला  सभापतिहरुको अघिल्लो भेलाले दिएका सुझावहरु कांग्रेसको बिधानमा समेट्न पनि कांग्रेस केन्द्रीय समितिलाई दवाव दिने निर्णय गरेको छ । 
नेपाली कांग्रेसलाई वर्तमान समय सन्दर्भ सँगै रुपान्तरण गर्नु पर्ने आवश्यकतालाई ख्याल गर्दै भेलामा कांग्रेसको आसन्न महासमिती बैठकमा छलफल हुने राजनीतिक र आर्थिक प्रस्तावहरुकाबारेमा पनि सभापतिहरुले विशेष चासो रोखेको सभापति बस्नेतको भनाइ छ ।