बिहिबार, साउन १४ २०८३
बिहिबार, साउन १४ २०८३
कञ्चनपुर कात्तिक, २९–
धर्नामा रहेका निर्मला पन्तका बुवा यज्ञराज पन्त बिरामी परेका छन् । छोरीको हत्या भएपछि न्यायको माग गर्दै कञ्चनपुरको जिल्ला प्रशासन कार्यालयको गेटमा विगत पाँच दिनदेखि धर्नामा रहेका पन्त चिसोका कारण बिरामी परेको स्वास्थ्यकर्मीको भनाइ छ ।
पन्तलाई महाकाली अञ्चल अस्पतालबाट आएको स्वास्थ्यकर्मीहरूको टोलीले धर्नास्थलमै उपचार गरिरहेका छन् । उपचारमा संलग्न स्वास्थ्यकर्मीहरूका अनुसार उनको छातीमा संक्रमण देखिएको छ र उनलाई ज्वरो समेत रहेको छ ।
पन्तलाई हिजो रातिदेखि ज्वरो र खोकीले भेटाएको हो ।
अहिले उनकी आमाको स्वास्थ्यमा समेत समस्या देखिन थालेको छ ।
गत साउनमा बलात्कारपछि हत्या गरिएकी भीमदत्त नगरकी किशोरी निर्मला पन्तको हत्यारा अझै सार्वजनिक हुन सकेको छैन । विगत चार महिना यता यस मुद्दाले देशव्यापी चर्चा पाएको छ ।
