बिहिबार, साउन १४ २०८३
बिहिबार, साउन १४ २०८३
काठमाडौं असोज, १८–
घटस्थापना अर्थात यही असोज २४ गतेलाई प्रदर्शनको मिति तय गरेको फिल्म ‘छक्का पन्जा ३’को दशैँ गीत सार्वजनिक भएको छ । घटस्थापनादेखि देशव्यापी प्रर्दशनमा आउने तयारीमा रहेको फिल्म को सार्वजनिक गीत १ मिनेट २१ सेकेन्डको रहेको छ । सार्वजनिक गीतले फिल्मको प्रमोसनमा निकै सहयोग गर्ने अपेक्षा निर्माण टिमले गरेको छ ।
गीतमा डेबिड शंकरको स्वर, दीपक शर्माको संगीत, केदार घिमिरेको शब्द लेखन रहेको छ । त्यस्तै, सार्वजनिक उक्त गीतमा दीपाश्री निरौला, केदार घिमिरे, दीपकराज गिरी र जितु नेपालले र्याप हानेका छन् । र्यापमा फिल्म घटस्थापनाको दिनबाट प्रर्दशनमा आउने जानकारी दिइएको छ ।
आमा सरस्वती मुभिज र आएमईको संयुक्त प्रस्तुति निर्माण भएको फिल्ममा केदार घिमिरे र जितु नेपाल कार्यकारी निर्माता रहेका छन् ।
दीपाश्री निरौला निर्देशित फिल्ममा दीपकराज, दीपिका प्रसाईं, केदार घिमिरे, जितु नेपाल, शिवहरी पौडेल, बुद्धि तामाङ, लक्ष्मी गिरीलगायत कलाकारहरुको अभिनय छ । प्रियंका कार्की, स्वस्तिमा खड्का, बर्षा राउत र संजोग कोइराला गेस्ट रोलमा छन् ।
