बिहिबार, साउन १४ २०८३
बिहिबार, साउन १४ २०८३
काठमाडौं असोज, १८–
सत्तारुढ दल नेकपाको विद्यार्थी संगठन अखिल र अखिल (क्रान्तिकारी) ले प्रहरी महानिरीक्षक सर्वेन्द्र खनालको बर्खास्तीको माग गरेका छन् । बिहिबार गृहमन्त्रालयमा पुगेर गृहमन्त्री रामबहादुर थापा ‘बादल’ लार्इ ज्ञापन पत्र बुझाउदै आईजीपी खनाललार्इ बर्खास्त गर्न माग गरेका हुन् ।
अखिलकी अध्यक्ष नविना लामा र क्रान्तिकारीका अध्यक्ष रंजित तामाङलेसहितको विद्यार्थी टोलीले गृहमन्त्री थापालाई ज्ञापन पत्र बुझाएका हुन् ।
सत्तारूढ दलका दुर्इ भातृ संगठनले जनताको जिउधनको सुरक्षामा सिंगो संरचनालार्इ प्रभावकारी बनाउन असक्षम भएको भन्दै प्रहरी प्रमुखलार्इ तत्काल बर्खास्त गर्न गर्नु पर्ने उल्लेख गरेको छ ।
निर्मला पन्त बलात्कार र हत्या प्रकरणका मूल कारक बम दिदीबहिनी, एसपी र दसी प्रमाण मेट्ने अन्य प्रहरीमाथि पनि अनुसन्धान केन्द्रीत हुनु पर्ने माग गरिएको अखिलका एक नेताले जानकारी गराए । उक्त अवसरमा उनीहरुले निर्मला हत्याकाण्डको छानविन समितिले निकालेको निष्कर्ष सार्वजनिक गर्न पनि गृहमन्त्रीसँग माग गरेका थिए ।
