बिहिबार, साउन १४ २०८३
बिहिबार, साउन १४ २०८३
गुल्मी असोज, १२–
सशस्त्र प्रहरी महानिरीक्षक (आईजी) शैलेन्द्र खनालले आफ्नो पुर्ख्यौली घरलाई धर्मशाला बनाउने भएका छन् । आईजीपी खनालले गृह जिल्ला गुल्मीमा रहको आफ्नो घरलाई धर्मशाला बनाउने भएका हुन् । केही महिना अघि मात्रै दिवंगत आफ्ना पिताको सम्झनामा आईजी खनालले आफनो पुर्ख्यौली घरलाई धर्मशाला बनाउन लागेका हुन् ।
शुक्रबार उद्योग वाणिज्य संघ रिडीले आयोजना गरेको कार्यक्रमका लागि गृह जिल्ला आएका खनालले रुरु स्थित रिडीमा रहेको आफनो पुर्ख्यौली घरलाई धर्मशाला बनाउने बताएका हुन् ।
धर्मशाला निर्माण गर्न उनले इन्जिनियर सहितको टोलीलाई अध्ययन गराएका हुन् ।
आईजीपी खनालले पुरानो संरचनामा बनेको २ तले घरलाई भत्काएर नयाँ डिजाइनमा धर्मशाला बनाउने बताए । तीन जिल्लाको संगमन स्थल रहेको रुरु स्थित रिडीमा आफना पिताको सोच पनि धर्मशाला बनाउने रहेकाले बुवाकै सम्झनामा घरलाई धर्मशाला बनाउने उनको भनाइ छ ।
महानिरीक्षक खनालले गुल्मीकै पानी खाएर आफू हुर्केबढेको फेरि गुल्मीकै पानी खान पानी खान आएको बताए ।
उनले भने, ‘गुल्मीको माटोको आशिरवादले यो तहसम्म पुग्न सफल भएकाले आफ्नो जिल्लाको लागि केही गर्नु पर्छ भन्ने मेरो सोंच रहेको छ ।’ गृहजिल्लाको कार्यक्रममा सरिक हुन सदरमुकाम तम्घास आएका खनाललाई रिडीमा स्थानीयले भव्य स्वागत तथा सम्मान गरेका थिए । उद्योग वािण्ज्य संघ रिडी शाखा, स्थानीय आमा समूहलगायत बिभिन्न संघ संस्थाले सम्मानसमेत गरेका थिए ।
उनले पनि उपस्थित जिल्लावासीलाई जिल्लाको शीर ठाडो हुने गरी काम गर्ने प्रतिबद्धता जनाए । आईजीपी खनालले पद बोकेर भन्दा पनि आफू आत्मियता बोकेर आएको भन्दै सबैलाई आफन्तको नाताले बोलाउन आग्रह गरे ।
आईजीपी खानालसँग स्थानियले रिडिमा सशस्त्र प्रहरीको सानो क्याम्प राखिदिन आग्रह गरेका थिए । रिडी गुल्मीकै प्रबेशद्धार रहेकाले यस क्षेत्रको सुरक्षा देखि हरेका क्रियाकलापको लागि सशस्त्र प्रहरीको क्याम्प आबश्यक रहेको स्थानीयको भनाइ छ ।
