बिहिबार, साउन १४ २०८३
बिहिबार, साउन १४ २०८३
काठमाडौं भदौ, १९–
गत असार २८ मा पक्राउ परेर छुटेका गुण्डा सत्यमान लामा फेरि पक्राउ परेका छन् । अपराध महाशाखाका अनुसार काभ्रेकै मानबहादुर तामाङलाई धाकधम्की दिएको आरोपमा उनी पक्राउ परेका हुन् । गुण्डा नाइके लामाले काभ्रे तिमाल गाँउपालिका वडा नंं ६ का मानबहादुर लगायतलाई मार्छू र काट्छु भन्दै धम्क्याएको आरोपमा महनागरीय अपराध महाशाखाको टोलीले उनलाई काठमाडौंबाट पक्राउ गरेको हो । गुण्डा लामाले मानबहादुरलाई ‘तँलाई मारे वापत एकजना जेल बस्न तयार छ’ भनेर धम्की र त्रास दिएको प्रहरीको भनाइ छ । यसअघि काभ्रे र रामेछापमा पाइने बुद्धचित्त मालाको तस्करीमा संलग्न सत्यमानमाथि काभ्रेको सिपालीका किसानको माला लुटपाट गरेको आरोप लागेको थियो । त्यस्तै उनीमाथि रक्तचन्दन तस्करीमा समेत प्रहरीले कारावाही गरेको थियो ।
