बिहिबार, साउन १४ २०८३
बिहिबार, साउन १४ २०८३
काठमाडौं साउन, २५–
पहिलो गीत निकै विवादमा तानिएको फिल्म ‘कथा काठमाण्डू’ को दोस्रो गीत सार्वजनिक भएको छ । अभिनेत्री प्रियंका कार्की र अभिनेता प्रमोद अग्रहरीको बेडसिनले निकै विवादमा तानिएको ‘रातको कुरा’ बोलको गीतको सामाजिक सञ्जालमा निकै आलोचना भएको छ ।
सार्वजनिक ‘जुन अनि तारा’ बोलको गीतमा तीन जोडी फिचर्ड छन् । ड्रग एडिक्सनमा फसेका प्रमोदसँग प्रियंकाको घनिष्टतासँगै अभिनेता आयुष्मान देशराज जोशीको अभिनेत्री प्रेक्षा अधिकारी र अभिनेता संजोग कोइरालाको अभिनेत्री सन्ध्या केसीसँग गीतमा प्रेमको उछाल देखाईएको छ ।
सुगम पोखरेलको स्वर रहेको गीतमा दिपेश सुब्बाको संगीत र इशान सुब्बाको शब्द छ । संगीता श्रेष्ठ निर्देशित ‘कथा काठमाण्डू’ लाई असोज १२ गतेको प्रदशन मिति तय गरिएको छ ।
संगीताले नै यो फिल्मको कथा लेखेकी हुन् । विजय राइको निर्माणमा तयार भएको यो फिल्ममा लुजा सिंहको छायांकन तथा मित्र गुरुङको सम्पादन रहेको छ । ‘कथा काठमाण्डू’ तीन भिन्नभिन्न कथालाई बुनेर निर्माण गरिएको हो ।
अष्ट महर्जनको द्वन्द्व रहेको फिल्मका गीतमा मोहित मुनाल, कमल खत्री, प्रदीप बाँस्तोला र सुरज विक्रम थापाले संगीत भरेका छन् ।
गीत हेर्नुसः
