बिहिबार, साउन १४ २०८३
बिहिबार, साउन १४ २०८३
काठमाडौं साउन, १४–
दीपाश्री निरौला निर्देशित ‘छक्का पञ्जा ३’ को पहिलो गीत सार्वजनिक भएको छ । ‘छक्का पञ्जा’लाई नेपाली फिल्म उद्योगमा सुपरहिट सिरिज को रुपमा समेत लिने गरिन्छ । दीपक शर्माको संगीत, राजेन्द्र थापाको शब्द रको ‘पहिलो नम्बरमा’ बोलको गीतमा डेभिड शंकर र विन्दु परियारको आबाज रहेको छ ।
कविराज गहतराजको कोरियोग्राफी रहेको गीतको भिडियोमा दिपकराज गिरी, दीपिका प्रसाईं, दिपाश्री निरौला, प्रियंका कार्की, जितु नेपाल, केदार घिमिरे, बर्षा राउत, बुद्धि तामाङ, स्वस्तिमा खड्का, सुमन गिरी (भान्जा) र संजोग कोइरालाको नाँचो देख्न सकिन्छ । यसअघि निर्माण भएका यसका सिरिजका ‘पुर्व पश्चिम रेल’,‘ुदेखन चम्पा’,‘ए दाजु’, ‘म यता किनारामा’ बोलका गीत सर्वाधिक हिटको सूचीमा पर्छन् ।
आज सार्वजनिक गीतलाई पुरुषोत्तम प्रधान र मानकृष्ण श्रेष्ठले संयूक्त रुपमा खिचेका हुन् ।
राजेन्द्र थापाका रमाइला खालका शब्द तथा दीपक शर्माको उतकृष्ट संगीतलाई डेभिड शंकर र विन्दु परियारले निकै मिठो तरिकाले गाएका छन् । यो गीत लोकलयमा तयार पारिएको छ ।
यसअघिका सृजमा प्रियंका कार्की दीपकराजको जोडीको रुपमा देखिन्थिन भने यो फिल्ममा अभिनेत्री दीपिका प्रसाईँ दीपकको जोडी बनेकी छिन् । यद्यपि, ‘छक्का पञ्जा ३’ मा अभिनेत्री प्रियंका कार्की विशेष भूमिकामा छिन् । त्यस्तै, अभिनेत्री स्वस्तिमा खड्का र अभिनेता संजोग कोइराला समेतलाई गेस्ट रोलमा देख्न सकिन्छ । तर, सुरुदेखि यो टिमसँग काम गर्दै आएकी नायिका बर्षा राउत पूरै फिल्ममा नभएर आज सार्वजनिक गीतमा मात्रै अटेकी छिन् । सँधैजसो यो पटक पनि दशैमै फिल्म रिलिज गर्ने निर्माण टिमले घोषणा गरेको छ ।
गीत हेर्नुसः
