बिहिबार, साउन १४ २०८३
बिहिबार, साउन १४ २०८३
बुटवल वैशाख, १८–
नेपाल कांग्रेसका नेता डा. मिनेन्द्र रिजालले प्रधानमन्त्री केपी ओलीका अभिव्यक्तिहरुले आशंका जन्माउने गरेको बताएका छन् । मंगलबार बुटवलमा सञ्चारकर्मीसँगै कुरा गर्दै नेता रिजालले प्रधानमन्त्री ओलीलाई गफ भन्दा काम गरेर देखाउन चुनौती दिएका छन् । नेता रिजालले अहंकारले मुलुकको समृद्धि नहुने भन्दै ओलीलाई काम देखाउन चुनौती दिएका हुन् ।
प्रधानमनत्री ओलीले आफनै प्रशंसा आफैं गरेर हिड्न थालेको भन्दै नेता रिजालले काम गरेर देखाए मात्र नागरिकले हाइहाइ गर्ने प्रष्ट पारे ।
कांग्रेस केन्द्रीय सदस्य समेत रहेका रिजालले भने, ‘यति ठूलो बहुमत हुनेले गफ गर्ने होइन, काम गरेर देखाउनुस् । तपाँईको काम बोलेर खिसीटिउरी गर्ने होइन, काम गरेर देखाउने हो ।’ उनले भने, ‘म मात्र ठीक छु, अरु कोही पनि ठीक छैन । अन्तिम सत्य मैले देखेको छु, अरुले देखेको छैन । अरु सब गलत हुन भन्दै हिँड्नु राम्रो होईन ।’
अहिले पार्टीभित्र विवाद गर्ने बेला नभएको भन्दै नेताहरुलाई मिलेर अघि बढ्नुपर्ने नेता रिजालको सुझाव छ ।
