बिहिबार, साउन १४ २०८३
बिहिबार, साउन १४ २०८३
काठमाडौं चैत, २१–
पूर्वप्रधानमन्त्री तथा नयाँ शक्ति नेपालका संयोजक डा. बाबुराम भट्टराईले सरारले उपलब्ध गराएका सुरक्षाकर्मी फिर्ता गर्ने भएका छन् । डा. भट्टराईले व्यक्तिगत सुरक्षा अधिकृत (पीएसओ) बाहेक अन्य सुरक्षाकर्मीलाई फिर्ता पठाउने निर्णय गरेका हुन् ।
उनको सचिवालयले जनाए अनुसार भट्टराईले २०७५ बैशाख १ गतेदेखि सुुरक्षाकर्मीको टोली फिर्ता पठाउने तयारी गरेका छन् ।
सरकारले अति विशिष्ट (भीभीआईपी) र विशिष्ट (भीआईपी) व्यक्तिहरुको सुरक्षा चुनौती विश्लेषण गरेर सुरक्षाकर्मीहरुको टोली खटाउने गर्दछ । डा. भट्टराईले यसरी सुरक्षाकर्मी खटाइँदा धेरै जनशक्ति दुरुपयोग भइरहेको ठहर गर्दे यो निर्णय गरेको बताएका छन् ।
यसमा सुधारका लागि नियम पुनरावलोकन गर्न उनले गृहमन्त्री रामबहादुर थापा ‘बादल’लाई भेटेरै आग्रह गरेका थिए । भट्टराईको सचिवालयले सोही आग्रह विशिष्ट व्यक्तिहरुको सुरक्षा हेर्ने नेपाल प्रहरी र सशस्त्र प्रहरीको सुरक्षा सेवा निर्देशनालयका प्रमुखलाई समेत भट्टराईले गरेको जनाएको छ ।
