बिहिबार, साउन १४ २०८३
बिहिबार, साउन १४ २०८३
हेटौंडा माघ, १८–
तीन नम्बर प्रदेशको संसद संचालनका लागि सामान्य प्रशासन २७ जना कर्मचारी पठाउने निर्णय गरेको छ । तर, मन्त्रलायले पठाउने निर्णय गरेका २७ कर्मचारी मध्ये प्रदेशसभाको बैठक हुने दिन बिहानसम्म एकजना मात्रै हेटौंडा पुगेका छन् ।
यतिबेला संसद सचिवालयबाट प्रदेशमा खटाइएका ६ जना मर्यादापालकसहित सचिवालयका ३ जना सिनियर कर्मचारीहरु मात्रै हटौंडामा छन् । सहसचिव डा. रोजनाथ पाण्डे, उपसचिव अधिराज राई र शाखा अधिकृत विनोद पौडेललाई संसद सचिवालयले एक महिनाका लागि खटाए अनुसार उनीहरु अहिले हेटौंडा पुगिसकेका छन् ।
तर, तालिम दिनेहरु कार्यस्थलमा पुगे पनि विहीबार बिहानसम्म सामान्य प्रशासन मन्त्रालयले खटाएका २६ कर्मचारीहरु तालिम लिनका लागि त्यहाँ हाजिर भएनन् । सामान्य प्रशासन मन्त्रालयले खटाएका २७ कर्मचारीमध्ये विहीबार बिहान ११ बजेसम्म एकजना कर्मचारीमात्रै सम्पर्कमा पुगेको प्रदेश सचिवालयले जनाएको छ ।
प्रदेशमा संसदीय अभ्यास पहिलो भएकाले कर्मचारीहरुलाई तालिम र प्रशिक्षणको आवश्यकता छ । तर, उनीहरु बैठक सुरु हुने बेलासम्म प्रदेश सचिवालयमा भेटिएनन् । यसले गर्दा केन्द्रीय संसदको सचिवालयका कर्मचारी र हेटौडाका केही सरकारी कर्मचारीकै भरमा बैठक अघि बढाउनुपर्ने स्थिति देखिएको छ ।
अहिले बैठकको तयारी सहसचिव डा. रोजनाथ, उपसचिव अधिराज र शाखा अधिकृत विनोदले गरिरहेका छन् । त्यस्तै
बिहानैदेखि आधादर्जन मर्यादापालकहरु पनि सभास्थलमा भेला भभैसकेका छन् ।
