प्रमुख निर्वाचन आयुक्त भन्छन्ः राजपालाई कुनै पनि हालतमा छाता चिन्ह दिन सकिदैन

काठमाडौं भदौ, ५–
प्रमुख निर्वाचन आयुक्त डा. अयोधीप्रसाद यादवले राष्ट्रिय जनता पार्टी (राजपा) लाई कुनै पनि हालतमा छाता चुनाव चिन्ह दिन नसकिने बताएका छन्  । यसअघि एउटा दलले छाता चुनाव चिन्ह माग गर्दै आयोगमा निवेदन परिसकेको उनको भनाई छ । बाढीले धेरै ठाउँमा बाटो बिगारेको, मतदान केन्द्र र निर्वाचन अधिकृतको कार्यालयमा क्षति पुर्‍याएको उनको भनाई छ ।   उनले भने,  ‘कानुनी र प्राविधिक कुनै पनि तरिकाले राजपालाई छाता चुनाव चिन्ह दिन सकिँदैन’  । 
अर्को प्रुङ्गमा  प्रमुख निर्वाचन आयुक्त डा. यादवले टेन्ट टाँगेर भएपनि प्रदेश २ को स्थानीय चुनाव गर्ने प्रष्ट पारेका छन् । उनले  प्रदेश २ का सम्पुर्णलाई निर्वाचनमा जुट्न समेत आहृवान  गरे ।
बाढीले धेरै ठाउँमा बाटो बिगारेको, मतदान केन्द्र र निर्वाचन अधिकृतको कार्यालयमा क्षति पुर्‍याएको उनले बताए  ।
सोमबार राजविराजमा पत्रकारहरुसँग कुरा गर्दै प्रमुख आयुक्त यादवले भने,  ‘क्षति पुर्‍याएका बाटो र कार्यालय मर्मत गर्न सरकारलाई भनेको छु’ उनले भने, ‘चुनावअघि जति काम सकिन्छ ठीक छ । सम्पन्न हुन नसके टेन्ट टाँगेर भएपनि निर्वाचन हुन्छ ।’
प्रदेश २ को चुनावलाई लक्षित गरी जनशक्ति व्यवस्थापन र मतदाता शिक्षा कार्यक्रम संचालन गरिएको बताउँदै उनले चुनावका निम्ति सबै तयारी भएको बताए ।