बिहिबार, साउन १४ २०८३
बिहिबार, साउन १४ २०८३
काठमाडौं साउन, २९–
आईतबार दिउसो कांग्रेस केन्द्रीय कार्यसम्पादन समितिको आकस्मिक बैठक बस्ने भएको छ । प्रधानमन्त्री समेत रहेका कांग्रेस सभापति देउवाले तराई मधेशका अधिकांश भागमा बाढीले पारेको डुबानका बारेमा छलफल गर्न केन्द्रीय कार्यसम्पादन समितिको आकस्मिक बैठक बोलाएका हुन् । नेपाली कांग्रेसका वरिष्ठ नेता रामचन्द्र पौडेलले आइतवार बिहान पार्टी सभापति एंव प्रधानमन्त्री शेरबहादुर देउवालाई भेटेर आकस्मिक केन्द्रीय कार्यसम्पादन समितिको बैठक बोलाउन आग्रह गरेका थिए । पौडेलको आग्रहपछि सभापति देउवाले दिउँसो चार वजेका लागि कार्यसम्पादन समितिको बैठक बोलाएका हुन् । कांग्रेस केन्द्रीय कार्यालयका मुख्यसचिव कृष्ण पौडेलका अनुसार दिउँसो ४ वजे प्रधानमन्त्री निवास वालुवाटरमा बैठक बस्ने भएको हो । आजको बैठकमा बाढी पहिरो तथा मधेसमा देखिएको डुवानको समस्या समाधान र तत्काल उद्धारका बिषयमा छलफल हुने मुख्य सचिव पौडेलले बताए ।
