आर्थिक संवाददाता
काठमाडौं, वैशाख २६
कालिका माइक्रोक्रेडिट डेभलपमेन्ट बैंकको सातौँ वार्षिक साधारणसभा सम्पन्न भएको छ । सभाले ६५ प्रतिशत बोनस तथा कर प्रयोजनको लागि १७ लाख १० हजार पाँच सय २६ रुपैयाँ नगद लाभांश वितरण गर्ने प्रस्ताव पारित गरेको छ ।
हाल चुक्ता पुँजी पाँच करोड रुपैयाँ रहेको बैंकको बोनस सेयर वितरणपश्चात् चुक्ता पुँजी आठ करोड २५ लाख रुपैयाँको हाराहारीमा पुुग्नेछ । यसैगरी सभाले हाल १० जिल्ला कार्यक्षेत्र रहेको बैंकको थप पाँच जिल्ला कार्य क्षेत्र विस्तार गर्ने प्रस्ताव पनि पारित गरेको छ । चालू आर्थिक वर्षको अन्त्यसम्ममा शाखा संख्या ४५ पु¥याउने लक्ष्य लिएको बैंकले हाल भने ३८ वटा शाखामार्फत वित्तीय कारोबार सञ्चालन गर्दै आएको छ ।
