१० रुपैयाँ दरको २४ करोड थान नयाँ नोट छाप्न सम्झौता

काठमाडौ माघ १८
नेपाल राष्ट्र बैकले १० रुपैयाँ दरको २४ करोड थान नयाँ नोट छाप्नको लागि सम्झौता गरेको छ । दश रुपैयाँ दरका २४ करोड थान नयाँ नोट छपाई गर्नको लागि राष्ट्र बैकले फ्रान्सको एक कम्पनीसंग सम्झौता गरेको छ । सम्झौता बमोजिम उक्त कम्पनीले नयाँ नोटको डिजाइन, छपाई तथा आपूर्ती गर्ने छ । 
राष्ट्र बैकले २०७३ मंसिर ३ गते १० रुपैयाँ दरको २४ थान नयाँ नोट छपाई गर्नको लागि ग्लोवल टेण्डर आव्हान गरेको थियो । उक्त टेण्डरमा फ्रान्सको एभिन्ययु डि मिसिईन ७५००८ पेरिसले अन्य कम्पनीहरुको तुलनामा न्युनतम दर रेटमा नोट छपाई गर्ने दर रेट उल्लेख गरी टेण्डर हालेको थियो । सोही आधारमा राष्ट्र बैकले माघ १३ गते उक्त कम्पनीसंग ३० लाख ६४ हजार आठ सय युरोमा नयाँ नोट छपाईको लागि सम्झौता गरेका जानकारी दिएको छ ।