बुधबार, कार्तिक १८ २०८३
बुधबार, कार्तिक १८ २०८३
काठमाडा, भक्तपुर, भक्तपुर नगरपालिका १ डा. इवामुरा अस्पताल अगाडि सडकबाट नियन्त्रित लागूऔषध ३ सय थान डाईजेपाम, ३ सय थान नोर्फिन र ३ सय थान फेनारगन सहित भारत बेतिया सिक्टा बस्ने ४७ वर्षीय आनन्दराम चमारलाई आइतबार बिहान प्रहरीले पक्राउ गरेको छ । उक्त स्थानमा लागूऔषध किनबेच गर्ने व्यक्तिहरुको गतिविधि छ भन्ने खबर प्राप्त हुनासाथ महानगरीय प्रहरी परिसर भक्तपुरबाट खटिएको प्रहरीले उनलाई उक्त लागूऔषध सहित फेला पारी पक्राउ गरेको हो ।
धनुषाको बटेश्वर गाउँपालिका २ कार्तिकुवरबाट नियन्त्रित लागूऔषध ३ सय ९० पिस नाईट्राभेट सहित महोत्तरी मनरा सिसवा नगरपालिका(२ बस्ने १९ वर्षीय केशव सिंह लगायत ३ जनालाई शनिबार साँझ प्रहरीले पक्राउ गरेको छ । प्रहरी चौकी बटेश्वरबाट खटिएको प्रहरीले उनीहरूलाई उक्त लागूऔषध सहित फेला पारी पक्राउ गरेको हो ।
पर्साको वीरगञ्ज महानगरपालिका १६ शंकराचार्य गेटबाट अवैध लागूऔषध १ केजी गाँजा सहित पर्सागढी गाउँपालिका ९ मनवा बस्ने ४५ वर्षीय पुनार दास चौधरीलाई आइतबार दिउँसो प्रहरीले पक्राउ गरेको छ । प्रहरी चौकी ईनर्वाबाट खटिएको प्रहरीले नेपालबाट भारततर्फ जाँदै गरेका उनलाई उक्त लागूऔषध सहित फेला पारी पक्राउ गरेको हो । यस सम्बन्धमा स्थानीय प्रहरीले थप अनुसन्धान गरिरहेको छ ।
