बुधबार, कार्तिक ११ २०८३
बुधबार, कार्तिक ११ २०८३
शनिबार, भाद्र २७ २०८३
काठमाडौं। एसीसी प्रिमियर कप एकदिवसीय क्रिकेटको फाइनलमा नेपालले संयुक्त अरब इमिरेट्स (यूएई) विरुद्ध शानदार सुरुआत गरेको छ।
मलेसियाको बायुमास ओभलमा जारी फाइनलमा टस जितेर नेपालले पहिले ब्याटिङ गरिरहेको छ। नेपालका ओपनर अर्जुन कुमाल र आसिफ शेखले उत्कृष्ट साझेदारी गर्दै टोलीलाई बलियो सुरुआत दिलाएका छन्।
यो समाचार तयार पार्दासम्म नेपालले १७ ओभरमा बिना विकेटको क्षतिमा ८७ रन बनाएको छ। अर्जुन कुमाल ३९ रनमा तथा आसिफ शेख ४२ रनमा अविजित छन्।
नेपालले सुरुआती ओभरदेखि नै संयमित ब्याटिङ गर्दै यूएईका बलरमाथि दबाब बनाइरहेको छ। ओपनरद्वयले पहिलो विकेटका लागि महत्वपूर्ण साझेदारी गर्दै नेपालको स्कोरलाई निरन्तर अघि बढाइरहेका छन्।
यो फाइनल नेपालका लागि निकै महत्वपूर्ण छ। प्रतियोगिताको उपाधि जित्ने टोलीले मात्र एसिया कपमा स्थान सुरक्षित गर्ने भएकाले नेपालका लागि आजको खेल प्रतिष्ठासँगै एसिया कपको टिकट हात पार्ने निर्णायक अवसर पनि हो।
