मंगलबार, कार्तिक १० २०८३
मंगलबार, कार्तिक १० २०८३
मंगलबार, कार्तिक १८ २०८२
काठमाडौं । नेपाली कांग्रेसका नेता चन्द्र भण्डारीले मंसिरमा पार्टीको महाधिवेशन गर्न नसक्ने भन्ने कुरा असंगत रहेको बताएका छन्।
उनले सामाजिक सञ्जालमार्फत संस्थापन पक्षतर्फ संकेत गर्दै एमालेले महाधिवेशनको तयारी गरिरहेको बेला राष्ट्रिय मुद्दाको नेतृत्व गर्ने कांग्रेसले पछि हट्नु नहुने बताएका हुन्।
भण्डारीले लेखेका छन्, “तत्कालीन सत्ता साझेदार एमाले मंसिरमा महाधिवेशन गर्ने तयारीमा छ। कांग्रेसले राष्ट्रिय मुद्दाको नेतृत्व गर्न अग्रसरता पनि नदेखाउने र आफ्नो अधिवेशन पनि गर्न सकिँदैन भन्न मिल्दैन।”
उनका अनुसार देशमा देखा परेका राष्ट्रिय समस्याहरू समाधानतर्फ ध्यान दिनु अहिलेको आवश्यकता हो। भण्डारीले जोड दिएका छन् कि संवेदनशील घडीमा अनुभव, जिम्मेवार र परिपक्व निर्णय जरुरी हुन्छ, र कांग्रेसले आफ्ना आन्तरिक द्वन्द्व बाहिर ल्याउँदा जनतामा निराशा फैलिन सक्छ।
उनी भन्छन्, कांग्रेसले आफ्नो जिम्मेवार राजनीतिक इतिहासको निरन्तरताबाट बाहिरिन नहुने र विशेष महाधिवेशनको प्रस्ताव अघि बढाउनुपर्ने समय आएको छ।
