मंगलबार, कार्तिक १० २०८३
मंगलबार, कार्तिक १० २०८३
शनिबार, कार्तिक १५ २०८२
काठमाडौं । नेकपा (एमाले)को सचिवालय बैठक आज अध्यक्ष केपी शर्मा ओलीको निवास गुण्डुमा बिहान ११ बजेबाट सुरु हुँदैछ । बैठकको मुख्य एजेन्डा आसन्न ११औं राष्ट्रिय महाधिवेशनको तयारी र देशव्यापी जनपरिचालन कार्यक्रम रहनेछ ।
एमालेका संगठन विभाग प्रमुख काशीनाथ अधिकारीका अनुसार आगामी महाधिवेशनका लागि करिब ६ लाख ६० हजार संगठित सदस्यबाट प्रतिनिधि छनोट गरिने तयारी छ । उनका अनुसार यी सदस्यहरूले २०८२ चैत मसान्तसम्म सदस्यता नवीकरण गरिसकेका छन् ।
अधिकारीले बताएअनुसार, “हामीले सबै संगठित सदस्यको प्रमाणीकरण अन्तिम चरणमा पुर्याएका छौं । प्रतिनिधि छनोट यही आधारमा हुनेछ ।” भोलिको सचिवालय बैठकले प्रतिनिधि छनोटका मापदण्ड तय गर्ने अपेक्षा गरिएको छ ।
यसअघि भएको १०औं महाधिवेशनका लागि ८ लाख ५० हजार सदस्यबाट प्रतिनिधि चयन गरिएको थियो । आगामी ११औं महाधिवेशन भने मंसिर २७ देखि २९ गतेसम्म पोखरामा हुने तय गरिएको छ ।
