बिहिबार, साउन १४ २०८३
बिहिबार, साउन १४ २०८३
पाल्पा जेठ, १८–
पाल्पामा भएको बस दुर्घटनामा ज्यान गुमाउनेको संख्या १३ पुगेको छ । तानसेनबाट रामपुर जाँदै गरेको बस दुर्घटना हुँदा ज्यान गुमाउने सबै १३ जना तानसेन नगरपालिकाका स्थानीय बासिन्दा रहेको प्रहरीले जनाएको छ ।
तानसेनको लक्ष्मी बचत तथा ऋण सहकारी संस्थाका सदस्यहरु अवलोकन भ्रमणमा सवार बस शुक्रबार बिहान रम्भा गाउंपालिका वडा नं. ४ हुमिनमा दुर्घटना भएको हो । लु १ ख ९७५ नम्बरको बस सडकको डिलबाट तल झरेर दुर्घटनामा परेको हो। बस करिब १ सय ५० मिटर तल खसेको थियो।
दुर्घटनामा परी मृत्यु हुनेमा तानसेन ३ का देवेन्द्रलाल प्रधान, बसन्ती खांण, कृष्णमान बज्राचार्य, छत्रमान शाक्य, कमला कार्की, तानसेन ४ का कृष्णबहादुर बोहोरा र विष्णुमान बज्राचार्य, तानसेन ६ का दुर्गाबहादुर सारु, सुशिलप्रसाद श्रेष्ठ, गिता बुढाथोकी र तानसेन २ का लोकनाथ ढकाल रहेका छन।
मृतकमध्ये एकजना महिलाको नाम खुल्न सकेको छैन। मृतकमध्ये कमला कार्कीको लुम्बिनी मेडिकल कलेजमा र सचिन बज्राचार्यको मिसन अस्पतालमा मृत्यु भएको थियो। अन्यको घटनास्थलमै मृत्यु भएको पाल्पा प्रहरीले जनाएको छ ।
दुर्घटनामा परी घाईते भएका आठजनाको पाल्पाका मिसन अस्पताल र लुम्बिनी मेडिकल कलेज प्रभासमा उपचार भईरहेको छ।
घाइते हुनेहरुमा प्रफुल्ल शर्मा, विमल रन्जन, उत्तम कुमार बज्राचार्य, ओम मलेगो, मिना खाम्चा, मुना सारु, अर्जुन थापा र प्रविण बज्राचार्यको उपचार भईरहेको प्रहरीले जनाएको छ। घाईते मध्ये प्रविण बज्राचार्यको लुम्विनी मेडिकल कलेज र अन्यको मिसन अस्पतालमा उपचार भईरहेको प्रहरीको भनाई छ ।
