बिहिबार, साउन १४ २०८३
बिहिबार, साउन १४ २०८३
काठमाडौं चैत, १८–
अब, राजधानीका मुख्य स्थानहरुमा ‘फ्रि वाईफाई इन्टरनेट सेवा’ संचालन हुने भएको छ । विश्वप्रसिद्ध धार्मिक स्थलहरु पशुपतिनाथ, बौद्धनाथ र स्वयम्भू लगाएत स्थानमा ‘फ्रि वाईफाई इन्टरनेट सेवा’ संचालन हुने भएको हो ।
‘फ्रि वाईफाई इन्टरनेट सेवा’ सेवाका लागि काठमाडौं महानगरपालिका र वल्र्ड लिंक कम्युनिकेशन प्रा.लिबीच सम्झौता भएको हो । विश्वप्रसिद्ध धार्मिकस्थलहरु पशुपतिनाथ, बौद्धनाथ र स्वयम्भूलगायतका स्थानमा ‘फ्रि वाईफाई इन्टरनेट सेवा’ संचालन गर्न समझदारी भएको हो ।
आईतबार सुन्धरास्थित काठमाडौं महानगरपालिकाको कार्यालयमा आयोजित एक कार्यक्रमका बीच काठमाडौं महानगरपालिकाका मेयर विद्यासुन्दर शाक्य र प्रालिका निर्देशक विजयकुमार जलानले हस्ताक्षर गर्नु भएको समझदारी पत्रमा बसन्तपुर हनुमानढोका दरबार क्षेत्र, शंखपार्क र बालाजु बाईसधारा उद्यानमा पनि ‘फ्रि वाईफाई इन्टरनेट सेवा’ संचालन गर्ने उल्लेख गरिएको छ ।
समझदारी गरिएको ६० दिन भित्र ६ वटै स्थानमा सेवा संचालन गर्नुपर्ने सर्त समेत राखिएको छ । काठमाडौंलाई फ्रि वाईफाई जोन बनाउने प्रतिवद्धता अनुसार मुख्यमुख्य ६ वटा स्थानमा फ्रि वाईफाई सेवा संचालन गर्न लागिएको महानगरपालिकाका मेयर शाक्यले बताए ।
उनले सूचना प्रविधिलाई दुरुपयोग हुन नदिन पनि काठमाडौं महानगरपालिका सचेत रहेको स्पष्ट पार्नु भयो ।
वल्र्ड लिंक कम्युनिकेशन प्रालिका निर्देशक जलानले गुणस्तरीय इन्टरनेट सेवा उपलब्ध गराउने प्रतिवद्धता व्यक्त गरे । उनले विश्वकै पर्यटक स्थलहरुमा इन्टरनेट सेवा संचालन गर्ने अवसर प्राप्त भएको भन्दै खुसी पनि व्यक्त गरे ।
९० दिन पनि तोकिएको स्थानमा वाईफाई इन्टरनेट सेवा संचालनमा नआए सो सम्झदारी स्वतः खारेज हुने प्रावधान पनि राखिएको छ ।
