बिहिबार, साउन १४ २०८३
बिहिबार, साउन १४ २०८३
काठमाडौं पुस, २४–
अनसन स्थलबाटै पक्राउ परेका डा. गोविन्द केसीले उनलाई पक्राउ गरेर राखिएको सिंहदरबार बृत्तमा अनसन बसेका छन् । अनसन बस्नुअघि आयोजित पत्रकार सम्मेलनमा उनले अदालत न्यायको किनबेच गर्ने ठाउँ भएको र प्रधानन्यायाधीश गोपाल पराजुली माफियाको डन भएको बताएका थिए । डा. केसीको यो अभिव्यक्ति सार्वजनिक भए लगत्तै उनको विरुद्ध अदालतमा मुद्दा परेको थियो । अदालतको मानहानी गरेको भन्दै परेको मुद्दामा सर्वोच्च अदालतले डा. केसीलाई पक्राउ गर्न प्रहरीलार्इ आदेश दिएको थियो । न्यायाधीश डम्बरबहादुर शाहीको एकल इजलासले डा. केसीलाई पक्राउ गरी भोलि विहान ९ बजे उपस्थित गराउन आदेश दियो ।
अदालतको आदेश आएको तीन घन्टापछि महानगरीय प्रहरी परिसर काठमाडौंको टोलीले डा. केसीलाई अनसन स्थलबाटै उठाएको हो ।
प्रहरीले पक्राउ पूर्जी थमाएपछि त्यसमा हस्ताक्षर गरेका डा। केसी ‘अदालतको फैसलालाई नमान्ने तर, कानुनी प्रक्रियालाई सम्मान गर्ने’ भन्दै प्रहरी टोलीसँगै जान तयार भए ।
डा. केसीलाई पक्राउ गर्न एसपी रामदत्त जोशी नेतृत्वको टोली पुगेको थियो ।
