बिहिबार, साउन १४ २०८३
बिहिबार, साउन १४ २०८३
काठमाडौं मंसिर, ८–
सिन्धुपाल्चोकमा राप्रपा प्रजातान्त्रिकका अध्यक्ष पशुपति शमशेर जबराकी छोरी देवयानीलाई मौन अवधिमा चुनावी सभा गरेको भन्दै वाम गठवन्धनका कार्यकर्ताले अवरोध गरेका छन् । देवयानी केही दिनदेखि बुबालाई चुनाव जिताउन भन्दै सिन्धुपाल्चोकमा खटिएकी थिईन् । मौन अवधीमा सभा गरेको आरोपमा वामपन्थी कार्यकर्ताले राणलाई आक्रमण प्रयास गरेपछि उनलाई सुरक्षाकर्मीले स्कर्टिङ गरेर काठमाडौं पठाएका छन् ।
आज विहान चौतारा नगरपालिकाको कल्लेरीमा रहेको कांग्रेस नेता यज्ञप्रसाद दंगालको घरमा स्थानीय भेला गरेको आरोपमा वामपन्थी कार्यकर्ताले आपत्ति जनाएका हुन् । प्रत्यक्षदर्शीका अनुसार विवादका क्रममा एकजनाले पानीको जारले देवयानीलाई प्रहार समेत गरेका थिए ।
तर, पानीको जारले देवयानीलाई लाग्न पाएन । उनलाई तत्कालै लोकतान्त्रिक गठबन्धनका कार्यकर्ताले सो ठाउँबाट भगाएको बताइएको छ ।
देवयानीलाई सशस्त्र प्रहरीले स्कर्टिङ गरी सैनिक क्याम्पमा राखेको थियो । त्यहाँ पनि वामपन्थी कार्यकर्ताले नाराबाजी गरेपछि उनलाई सुरक्षा सहित काठमाडौं पठाइएको प्रहरीले जनाएको छ । यसैबीच, सिन्धुपाल्चोकको आकाशमा सेनाले हेलिकोप्टरबाट समेत गस्ती गरिरहेको छ ।
सिन्धुपाल्चोक जिल्लालाई अति संवेदनशील जिल्लाका रुपमा समेत लिएको छ । सिन्धुपाल्चोकमा नेपाल प्रहरीका एसएसपी सहित १३ जना डीएसपीको टोली कमाण्डोसहित परिचालित भएका छन् ।
